Чех архиепископи мусулмонлардан хавотирда

Чехия католик черкови бошлиғи архиепископ Милослав Влк (Miloslav Vlk) Европа “исломийлашиши” таҳдиди ҳақида огоҳлантирди.

У ўз интернет сайтида агар Европа ўзининг келиб чиқиш илдизларига бўлган муносабатини ўзгартирмаса, Европа исломийлашишини билдирган.

Чехия архиепископи фикрича, европаликлар ўз насронийлик ҳаётида яратаётган бўшлиқни мусулмонлар тезда эгаллашига миграция ва мусулмонлар орасида туғилиш кўплиги ёрдам бермоқда.