Обама янги ядровий стратегияни эълон қилади

Бугун АҚШ президенти Барак Обаманинг ядровий қуролларга оид ўз маъмурияти ишлаб чиққан янги стратегияни эълон қилиши кутилмоқда.

АҚШ матбуоти, жумладан, Ню Йорк Таймс газетасига кўра, янги ҳужжатда ядровий қуролларнинг “ягона мақсади” ядровий ҳужум олдини олиш ёки унга жавоб бериш сиёсатидан иборат бўлиши айтилган.

Бу сиёсат Обаманинг дунёни ядровий қуроллардан ҳалос қилишга оид ваъдаларини акс эттиради.