Рим Папаси Бирмингемда ибодат маросимини ўтади

Рим Папаси Бенедикт XVI Британияга расмий сафарининг сўнгги кунида Бирмингемда бўлиб, очиқ ҳаводаги оммавий ибодат маросимини ўтказди.

Кофтон паркида бўлиб ўтган маросимда 50 мингга яқин одам иштирок этди. Маросим чоғида Рим Папаси кардинал Жон Нюман номини улуғлаб, унинг ҳаққига дуо қилди.

Буюк Британияда 19 асрда яшаган кардинал англиканизмдан католицизмга ўтган таниқли дин арбобларидан биридир.