Ўзбекистонлик инсон ҳуқуқлари фаоллари Тошкентда бошланган 6 Халқаро пахта ярмаркаси иштирокчиларига очиқ хат йўллади.
“Ўзбек пахтасини харид қилар экансиз, сиз беихтиёр ўзбек болаларини пахта қулларига айлатирганларга шерик бўласиз ва Ўзбекистонда коррупция ривожига ҳисса қўшган бўласиз”, дейилади ўзбекистонлик мустақил ҳуқуқ фаолларидан бир гуруҳи йўллаган мактубда.
13 октябр куни Тошкентда 6 Халқаро пахта ярмаркаси иш бошлади. Унда 600 минг тонна пахта толаси сотувга қўйилиши ва тахминан, 500 миллион долларлик савдо келишувлари имзоланиши кутилмоқда.
