Нью Йоркда жамоат жойларида чекишга тақиқ кучайтирилди

Жорий йилнинг 23 майидан бошлаб Нью Йоркнинг истироҳат боғлари, йўловчилар юрадиган ҳудудлар, пляжлар ва бошқа жамоат жойларида чекиш тақиқланади.

Шаҳар мэри Майкл Блумберг сешанба куни бу ҳақдаги ҳужжатга имзо чекди.

Нью Йоркда аввал ресторан ва барларда чекиш тақиқланган эди.

Чекувчиларнинг ҳуқуқларини ҳимоя қилувчилар чекишга тақиқнинг бу даражада кескинлаштирилишини қоралаб, ҳукуматни одамларнинг шахсий ҳаётларига қўпол равишда аралашаётганликда айбламоқда.