Линклар

Шошилинч хабар
29 март 2024, Тошкент вақти: 01:56

Қандаҳордаги масжидда юз берган портлашда 30 дан ортиқ одам ҳалок бўлди


Портлаш юз берган Қандаҳордаги шиалар масжиди. Афғонистон, 15 октябрь, 2021
Портлаш юз берган Қандаҳордаги шиалар масжиди. Афғонистон, 15 октябрь, 2021

15 октябрь куни Қандаҳордаги шиалар масжидида юз берган портлашда камида 35 киши ҳалок бўлган, ўнлаб одам яраланган. Бу ҳақда Reuters агентлиги шифохонадаги манбаларга таяниб хабар бермоқда. Маҳаллий ҳокимият вакилларига кўра, худкуш ҳужумчи ўзини портлатган.

Афғонистонни назорат қилаётган Толибон ҳаракати вакилининг сўзларига кўра, хавфсизлик хизмати ходимлари вазиятни ўрганиш ва ҳужумчини топиш учун ҳодиса жойига етиб борган. Портлаш учун масъулиятни ҳозирча ҳеч ким зиммасига олмаган.

Исми очиқланишини истамаган гувоҳлардан бирининг Франс- Пресс агентлигига айтишича, масжид ва атрофида учта портлаш овози эшитилган.

Агентликнинг хабар беришича, портлаш мамлакат шимоли-шарқида жойлашган Қундуз вилоятидаги ҳужумдан бир ҳафта ўтиб содир бўлмоқда. 8 октябрь куни Қундуз вилоятидаги шиалар масжидида худкуш ҳужумчининг ўзини портлатиб юбориши оқибатида 100 дан ортиқ инсон ҳалок бўлган эди. Ҳужум учун масъулиятни "Исломий давлат" террорчи гуруҳи ўз зиммасига олган.

XS
SM
MD
LG