Краматорск вокзалига ҳужумда қурбон бўлганлар сони 52 кишига етди.

Краматорск вокзалидаги қонли ҳужум қурбонлари сони 50дан ошди. Украинадаги уруш хроникаси

март 23, 2022

Украинадаги урушнинг 45-куни.

Краматорск вокзалига ҳужумда қурбон бўлганлар сони 52 кишига етди.
Европа Иттифоқи Россия ҳарбий корхоналари ва банкларига нисбатан санкцияларни кенгайтирди.
Россия Адлия вазирлиги реппер Фэйсни хорижий агент деб эълон қилди
Россия ҳукумати Amnesty International, Human Rights Watch ва бошқа 13 халқаро ноҳукумат ташкилотларининг Россиядаги ваколатхоналарини ёпди.
Россия Украинанинг Донецк ва Луганск вилоятларига йирик ҳужум амалиётини бошлашга ҳозирланмоқда, дея маълум қилди Украина Қуролли кучлари Бош штаби. Украина расмийлари шарқий ҳудудлардаги аҳолини мамлакат шарқига кўчишга чақирмоқда.
Amnesty International Россия қўшинлари Киев вилоятида тинч аҳолини ўлдиргани ва зўрлаганини кўрган гувоҳларнинг ифодаларини эълон қилди. Германиянинг Der Spiegel журнали Бучада бўлган россиялик ҳарбийларнинг хуфёна ёзиб олинган телефон сўзлашувларини очиқлади: ёзувларга кўра, ушбу жиноятлар Украина аҳолисини қўрқитиш мақсадида содир этилган ва бу олдиндан ўйланган тизим бўлган. Meduza нашри эса Россия расмийларининг иддаоларини рад этувчи видеосуриштирувини ёйинлади.
Путиннинг матбуот котиби Дмитрий Песков Sky News’га берган интервьюсида Россия Украина ҳудудидаги ҳарбий ҳаракатларда шахсий таркибда катта талафотлар кўрганини тан олди. Кремль вакили аскарий йўқотишларнинг аниқ сонини очиқламади.
РФ ташқи ишлар вазири Сергей Лавров Украинани Истанбулдаги келишувлардан оғишаётганликда айблади. Зеленский маъмурияти раҳбари Михаил Подоляк бу баёнотни “босим қилишга уриниш” деб атади.
Евроиттифоқ Россияга қарши санкцияларнинг бешинчи туркумини келишди. Унда, жумладан, Россия кўмири импортини буткул тақиқлаш назарда тутилган.
АҚШ Сенати Украина учун ленд-лиз дастурини бир овоздан маъқуллади – дастур сўнгги бор Иккинчи жаҳон уруши даврида қўлланган.
БМТ Бош ассамблеяси Россияни Инсон ҳуқуқлари кенгаши аъзолигидан чиқарди.
Молдовада Георгий тасмаси ва Россияга оид бошқа милитаристик рамзлар тақиқланмоқда.
Чет эл дипломатлари Киев шаҳрига қайта бошлади.

Украина: Луганскдаги отишмаларда 4 киши (2 бола) ўлди

Украина Фавқулодда вазиятлар давлат хизмати берган маълумотга кўра, Луганскдаги отишмаларда 4 киши, шу жумладан 2 бола ўлган.

Яна 6 киши жароҳатланган.

"Отишмалар натижасида Луганскнинг кўплаб ҳудудларида ёнғин келиб чиқди. Шу жумладан, Рубежнийда енгил саноат корхонаси, билим юрти, бир неча квартира ёнди. Газ қувури вайрон қилинди. Лисичанскда ҳаво ҳужуми пайти нефтни қайта ишлаш заводи ёниб кетди. Шимолий Донецкда дўконга егулик олишга борган одамларни ўққа тутишди. Бир одам ўлди, 6 киши яраланди", дейилади расмий баёнотда.

Вайронага айланган Мариупол

Россия асир алмашинуви ҳақида хабар қилди, Украина рад этди

Украина томони Россиянинг, икки марта асир алмашилгани ҳақидаги хабарини рад этмоқда.

Украина бош вазири ўринбосари Ирина Верещук: "Йўқ, менда бунақа маълумот йўқ. Россия параллел оламда яшаяпти, ўзи алмашиб, ўзи хабар қиляпти. Биз асир алмашганимиз йўқ", деди.

Бундан аввал Россия ташқи ишлар вазирлиги Мария Захарованинг "Россия ва Украина ўртасида икки марта асир алмашилди" деган, тафсилотларсиз қисқагина хабарини тарқатди.

Херсонда мулозим ва фаолларни ўғирлаш ҳоллари кўпайди

Херсон вилоятида рус ҳарбийлари билан ҳамкорликни рад этган амалдор ва фаолларни ўғирлаш ҳоллари кўпайгани айтилмоқда.

Херсон рус ҳарбийлари назорати остида. Куни кеча Берислав шаҳри мэри ва бир маҳаллий фаол ўғирлаб кетилгани маълум бўлди. Бунга қадар шу вилоятда ишлаётган журналист Олег Батурин ўғирланган ва 8 кундан сўнг қўйиб юборилган эди.

Херсонлик журналист Константин Рыженко вилоятдаги ўғирлаш ҳолатлари ҳақида "Настоящее Время" телеканалига гапириб берди:

Давомини ўқинг