Краматорск вокзалига ҳужумда қурбон бўлганлар сони 52 кишига етди.

Краматорск вокзалидаги қонли ҳужум қурбонлари сони 50дан ошди. Украинадаги уруш хроникаси

март 23, 2022

Украинадаги урушнинг 45-куни.

Краматорск вокзалига ҳужумда қурбон бўлганлар сони 52 кишига етди.
Европа Иттифоқи Россия ҳарбий корхоналари ва банкларига нисбатан санкцияларни кенгайтирди.
Россия Адлия вазирлиги реппер Фэйсни хорижий агент деб эълон қилди
Россия ҳукумати Amnesty International, Human Rights Watch ва бошқа 13 халқаро ноҳукумат ташкилотларининг Россиядаги ваколатхоналарини ёпди.
Россия Украинанинг Донецк ва Луганск вилоятларига йирик ҳужум амалиётини бошлашга ҳозирланмоқда, дея маълум қилди Украина Қуролли кучлари Бош штаби. Украина расмийлари шарқий ҳудудлардаги аҳолини мамлакат шарқига кўчишга чақирмоқда.
Amnesty International Россия қўшинлари Киев вилоятида тинч аҳолини ўлдиргани ва зўрлаганини кўрган гувоҳларнинг ифодаларини эълон қилди. Германиянинг Der Spiegel журнали Бучада бўлган россиялик ҳарбийларнинг хуфёна ёзиб олинган телефон сўзлашувларини очиқлади: ёзувларга кўра, ушбу жиноятлар Украина аҳолисини қўрқитиш мақсадида содир этилган ва бу олдиндан ўйланган тизим бўлган. Meduza нашри эса Россия расмийларининг иддаоларини рад этувчи видеосуриштирувини ёйинлади.
Путиннинг матбуот котиби Дмитрий Песков Sky News’га берган интервьюсида Россия Украина ҳудудидаги ҳарбий ҳаракатларда шахсий таркибда катта талафотлар кўрганини тан олди. Кремль вакили аскарий йўқотишларнинг аниқ сонини очиқламади.
РФ ташқи ишлар вазири Сергей Лавров Украинани Истанбулдаги келишувлардан оғишаётганликда айблади. Зеленский маъмурияти раҳбари Михаил Подоляк бу баёнотни “босим қилишга уриниш” деб атади.
Евроиттифоқ Россияга қарши санкцияларнинг бешинчи туркумини келишди. Унда, жумладан, Россия кўмири импортини буткул тақиқлаш назарда тутилган.
АҚШ Сенати Украина учун ленд-лиз дастурини бир овоздан маъқуллади – дастур сўнгги бор Иккинчи жаҳон уруши даврида қўлланган.
БМТ Бош ассамблеяси Россияни Инсон ҳуқуқлари кенгаши аъзолигидан чиқарди.
Молдовада Георгий тасмаси ва Россияга оид бошқа милитаристик рамзлар тақиқланмоқда.
Чет эл дипломатлари Киев шаҳрига қайта бошлади.

Буюк Британия Греф, Тиньков ва "Альфа-Банк"ка санкция қўллади

24 мартдан бошлаб, Россия Украинага бостириб кирган ортидан Буюк Британия санкция қўллаган шахс ва ташкилотлар рўйхати кенгайди.

Янги рўйхатга Россиянинг 33 фуқароси ва 26 та ташкилоти қўшилди. Уларга Британияга кириш тақиқланди ва бу давлатдаги активлари музлатилди.

Рўйхатга тушганлар орасида - "Сбербанк" раҳбари Герман Греф, айни банкнинг яна бир мулозими Лев Хасис, Сергей Лавровнинг асраб олган қизи, деб танилган ва Британияда яшайдиган Полина Ковалёва, "Роснефть" раҳбари Игорь Сечиннинг ўғли Иван Сечин, бизнесмен Олег Тиньковлар бор.

Юридик шахслар рўйхатида - "Альфа-Банк", "Газпромбанк", "Алроса", РЖД, "Совкомфлот"лар бор. Бу рўйхатга Белорусдаги бир неча ширкат ҳам қўшилган.

Журналистлар Шойгу билан Герасимовни топа олмаяпти

The Washington Post нашри, АҚШнинг ҳарбий раҳбарлари сўнгги ойда бир неча марта Россия Мудофаа вазири Сергей Шойгу ва Бош штаби раҳбари Валерий Герасимов билан боғланишга уриниб, топа олмаганини хабар қилди.

Россия ҳарбий раҳбарларининг телефон қўнғироқларига жавоб бермаётгани айтилмоқда.

Яқинда Россиядаги "Агентство" нашри, Шойгу 11 мартдан бери жамоатчиликка кўринмаётгани ҳақида ёзганди. Шойгу ОАВда тез-тез кўриниш бериб турарди. Тахминан 11 мартдан бери Герасмов ҳам жамоатчилик кўзидан ғойиб бўлган.

"Қизлар туғилганида уруш тугаши керак"

Николаев шаҳри туғруқхонаси - шу кунларда рус ҳарбийлари ўқ ёмғири остида қолди.

Бу бинода на бомбадан сақланадиган жой, на ертўла бор.

Сиреналар янграй бошлаганида, одамлар коридорлар ёки биринчи қаватда яширинадилар.

Босқин бошланганидан буён бу ерда 49 чақалоқ туғилди.

Қуйида урушда қолган туғруқхона ҳикояси:

Харьков ракета ҳужуми остида

Харьков вилояти маъмурияти ўтган тунда "Град" и "Ураган" қурилмаларидан отилган 140 дан ортиқ ракета вилоят ҳудудига келиб тушганини айтмоқда.

Вилоят маъмурияти раҳбари Олег Синегубовга кўра, шаҳар маркази Россиянинг Қора денгиз флотига тегишли кемалардаги "Калибр" қурилмасидан отилган ракеталар билан ўққа тутилган.

Давомини ўқинг