"Қозоғистон бўлгинчи худудларни тан олмайди"
Бундан олдинроқ Қозоғистон раҳбари Қосим-Жўмарт Тоқаев халқаро ҳуқуқ БМТ Низомига асосланишини таъкидлаб, ушбу ҳужжатнинг иккита асосий принципи - халқларнинг ўз тақдирини ўзи белгилаш ҳуқуқи ва давлатларнинг ҳудудий яхлитлиги зиддиятга киришганини билдирди.
"Шу сабабдан биз на Тайван, на Косово, на Жанубий Осетия, на Абхазияни тан оламиз. Бундан чиқди, бу тамойил, бизнингча, Донецк ва Луганск бўлган сохта давлат ҳудудларига ҳам қўлланилади".
Бу нутқ сўзланганда саҳнада Тоқаев билан бирга Владимир Путин ўтирган эди. Қозоғистон президентининг бу баёноти Россия сиёсатчилари ва пропагандачилари ғазабини келтирди. Улар Қозоғистонга очиқчасига таҳдид қилган бўлсалар, академик Рамзан Қодиров ҳам насиҳатлардан четда қолмади:
"Россия Қозоғистонни қутқарди. Арманлар. Арманистон ва Озарбайжон ўртасида уруш бўлганида асосий ролни Путин ўйнади. Қозоғистон суверенитетини йўқота бошлаганида, ким ёрдам берди? Ҳеч кимдан қўрқмаган Россия!"
Қозоғистон президенти мукофотлардан воз кечди
Қозоғистон президенти Қасим-Жомарт Тўқаев ваколатлари тугагунига қадар на маҳаллий, на хорижий мукофотларни қабул қилмасликка қарор қилди. Бу ҳақда президент матбуот хизматига таяниб,Тенгриньюс нашри хабар берди.
Аввалроқ қозоғистонлик сиёсатшунос Ербол Едилов ўз манбаларига таяниб, Кремл Тўқаевни Александр Невский ордени билан тақдирлаш ниятида бўлганини айтганди.
"Худди шу сабабли Бишкекка ташрифи чоғида Президент Қирғизистоннинг энг олий “Биринчи даражали “Манас” орденини олмади”, деб ёзди таҳлилчи.
Шу билан бирга, Россия президентининг матбуот котиби Дмитрий Песков Тўқаевнинг Россия мукофотидан бош тортганини рад этди. Унинг сўзларига кўра, унга бирор мукофот бериш режалаштирилмаган.
Украина россияликларга виза жорий қилади
Украина 1 июлдан Россия фуқаролари учун виза режимини жорий қилади. Бу ҳақда мамлакат президенти Владимир Зеленский маълум қилди. Украина Вазирлар Маҳкамаси унинг таклифини қўллаб-қувватлади.
Зеленский ҳукумати “Украина ҳукумати ва Россия Федерацияси ҳукумати ўртасида Украина ва Россия Федерацияси фуқаролари учун визасиз саёҳат қилиш тўғрисидаги битимни бекор қилиш тўғрисида”ги қарорни қабул қилди.
- Биз ниҳоят Россия билан алоқаларни узмоқдамиз. Давлатимизнинг миллий хавфсизлиги, суверенитети ва ҳудудий яхлитлигига мисли кўрилмаган таҳдидларга қарши туриш учун ҳукумат Украина президентининг буйруғини бажариш учун ҳозиргина Россия Федерацияси билан визасиз режим ҳақидаги шартномани бекор қилишга қарор қилди, деди Украина Бош вазири Денис Шмигал.
Парамедик "Тайра" чечен жангчисига алмаштирилди
Мариуполдаги Азов пўлат заводи ҳимоячиларидан бири парамедик Юлия Паевская рус асирлигидан озод қилинди. Бу ҳақда ўз нутқида гапирган Владимир Зеленскийга кўра, “Тайра” позивнойи билан танилган Паевская март ойи ўрталарида Мариуполда қўлга олинган. У жанговар шифокорларнинг кўнгиллилар отрядининг асосчиси эди. Бу Паевскаянинг хизмат камерасига суратга олинган ва қўлга тушишдан бир кун олдин журналистларга узатишга муваффақ бўлган қутқарув операциялари тасвирлари.
Айрим манбалардан шифокор чечен жангчисига алмаштирилган.
Ҳозир, Зеленскийнинг сўзларига кўра, Тайра ҳозир ўз уйида. Зеленский Украина ҳибсда қолаётган қолган жангчиларни озод этишга ҳаракат қилаётганини билдирди.