Украинага ҳужум: Сбербанк доллар жўнатмаларини тўхтатди. Уруш хроникаси

март 07, 2022

Россиянинг Украинага босқинининг тўртинчи ҳафтаси бошланди.
16 март куни Мариуполь шаҳрида юзлаб одам яширинган Драма театри бомбаланди. Украина ҳукумати рус ҳарбийлари ўғирлаб кетган Мелитополь мэрини озодликка чиқаришга муваффақ бўлди.
Владимир Зеленский видеоалоқа орқали АҚШ Конгрессининг иккала палатаси олдида нутқ сўзлаб, уларни Украинага ҳарбий ёрдамни оширишда давом этишга чақирди ва тез орада катта миқдорда қурол-яроғ олишга эришди.
БМТ Халқаро суди Россиядан Украинадаги урушни дарҳол тўхтатишни талаб қилди. Россия 26 йил аъзо бўлиб келган Европа Кенгашидан четлатилди.
Путин Украинадаги “амалиёт” муваффақиятли олиб борилаётгани ва Россия жамиятини урушга қарши чиқаётган “миллат хоинлари”дан тозалаш кераклиги ҳақида гапирди.
Британия Мудофаа вазирлиги Россия жанглардаги талафотлари ўрнини тўлдириш учун янги кучларга тобора муҳтож бўлаётганини маълум қилди. Вазирликка кўра, эндиликда Россия қаттиқ ҳимояланаётган Украина армиясига қарши ҳужум амалиётларини олиб боришда қийналиши турган гап.
Украина ҳудудига бостириб кирган кундан бери Россиянинг етти мингдан зиёд ҳарбий хизматчиси ҳалок бўлди. Бу 20 йил давомида Ироқ ва Афғонистондаги жангларда ўлдирилган америкалик аскарларнинг умумий сонидан кўп, деб ёзади The New York Times АҚШ разведкаси маълумотларига таянган ҳолда.
Россия аҳолисининг қарийб тўртдан уч қисми Украина билан урушни қўллаб-қувватлайди ва бундан ғурур, қувонч, ҳурмат, ишонч ва умид каби ижобий ҳисларни туяди. Россиядаги мустақил социологлар гуруҳи томонидан февраль ойи охирлари ва мартнинг ўрталарида ўтказилган икки сўровнома натижалари шуни кўрсатмоқда.

Украина Россия таклиф қилган гуманитар йўлакдан бош тортди

Украина ҳукумати тинч аҳолини эвакуация қилишу учун Россия таклиф этган гуманитар йўлак қабул қилиб бўлмайдиган шартлар асосида ташкил этилаётгани билдирди. Шу муносабат билан Украина бу имкониятдан фойдаланишдан бош тортди.

“Бизнинг Иванков, Димера, Вишгород ва Киев атрофидаги бошқа шаҳарлардаги фуқароларимиз Россияга учиб кетиш учун Беларусга бормайди”,- деди Украина бош вазири ўринбосари Ирина Верешчук.

Россия Украинага бир нечта гуманитар йўлак очиб беришни таклиф қилган. Москва режасига кўра, бу гуманитар йўлаклар орқали аҳоли Беларусга олиб чиқилади ва кейин Россияга олиб кетилади.

Бугунги кунда украиналиклар урушдан Беларусь ёки Россияга эмас, Ғарбга қараб қочмоқда. БМТнинг билдиришича, 10 кун ичида Украинадан асосан болалар, аёллар ва қариялардан иборат 1,5 миллион киши Европа давлатларига қочқин сифатида чиқиб кетган.

Украина шаҳарларига ҳужумлар давом этмоқда

Россия қўшинлари туни билан Украина шаҳарларига қарата ўт очишда давом этди.
Ички ишлар вазирининг маслаҳатчиси Вадим Денисенко “Украина 24” канали жонли ёйинида Николаев шаҳрининг турар-жой мавзелари “Смерч” реактив ўт очиш қуролларидан ўққа тутилганини билдирди. Шунингдек, Харьков шаҳри ҳам яна ўққа тутилгани маълум қилинмоқда.

Қочқинлар сони 1,5 миллионга етди

БМТга кўра, сўнгги 10 кун мобайнида 1,5 млн.дан ортиқ киши Украина ҳудудини тарк этди – бу Европада Иккинчи жаҳон кейин қочқинлар билан юз берган энг жадал ривожланаётган инқироздир. Қочқинлар асосан Польшага йўл олишмоқда, у ердақрийб 922 миллион киши йиғилган.

Вазир Шкарлет: Россиянинг Украинага ҳужуми ортидан 200 дан зиёд мактаб вайрон бўлган ёки шикастланган

Россия қўшинларининг бостириб кириши туфайли Украинада 211 та мактаб вайрон бўлган ёки шикастланган, дея билдирди Украина таълим вазири Сергей Шкарлет телемарафон эфирида.

“Бугунги кунда биз вайрон бўлган ёки шикастланган мактаблар сони тобора ортаётганини кузатяпмиз. Шу кунгача бундай мактаблар сони 211 тага етди, уларнинг бир қисми тўла вайрон бўлган, бир қисмига эса шикаст етган”, дея қайд этди вазир.

Россия босқини бошланган пайтда Украинада мактаб ўқувчилари учун икки ҳафталик таътил эълон қилинган, бироқ яқинда ўқиш бошланиши режаланган эди.

Давомини ўқинг