Куба 52 сиёсий маҳбусни озод қилади

Куба мамлакат қамоқхоналарида сақланаётган 50 дан зиёд сиёсий махбусни озод қилишга қарор қилди.

52 сиёсий маҳбуснинг озод этилиши коммунистлар ҳукмронлиги остида қолаётган Кубада сўнгги ўн йилликлар мобайнидаги энг йирик авф амали сифатида кўрилмоқда.

Аммо озодликка чиқариладиган маҳбусларнинг Кубада қолишлари савол остида қолмоқда.

Испания озод этилган сиёсий маҳбусларнинг барчасини қабул қилиб олишга ва уларга бошпана беришга розилик берди.