Қозоғистонда аксар сайловчиларнинг референдумни қўллагани айтилмоқда

Нурсултон Назарбоевнинг президентлик муддатини умумхалқ референдуми орқали 2020 йилгача узайтиришга ҳаракат қилаётган ташкилотчилар бу ташаббусни сайловда қатнашиш ҳуқуқига эга фуқароларнинг ярмидан кўпи қўллаб-қувватлаганини айтди.

Референдум ташаббусчилари шу кунга қадар Марказий сайлов комиссиясига беш милилондан ортиқ имзо тўплаб топширдилар.

6 январ куни президент Нурсултон Назарбоев ўз президентлик муддати 2012 йилги сайловни четлаб умумхалқ референдуми орқали узайтирилишини рад қилган эди.

Аммо парламентнинг 14 январ куни бўладиган йиғилишида депутатларнинг бешдан тўрт қисми президент қарорини қабул қилмаса, референдум ўтказилиши мумкин.

АҚШ Қозоғистонда президентнинг муддати референдум орқали узайтирилишини “демократиянинг ортга кетиши” дея баҳолади.