Афғонистон ва Россия раҳбарлари Москвада учрашади

Афғонистон президенти Ҳамид Карзай Москвада Россия президенти Дмитрий Медведев билан сўзлашув олиб боради.

Музокара чоғида икки давлат ўртасида иқтисодий ҳамкорликни ривожлантириш, Афғонистонни қайта тиклаш ишларида Россиянинг иштироки, Афғонистонда тайёрланган гиёҳвандлик моддалари контрабандасига қарши биргаликда курашиш ва бошқа масалалар муҳокама этилиши кутилмоқда.

Бу сўнгги бир йил ичида Карзай ва Медведев ўртасидаги тўртинчи, айни пайтда Москвадаги биринчи учрашув бўлади.