Тунислик деҳқонлар пойтахтда кўча юриши ўтказди

Туниснинг аҳолиси камбағал бўлган ҳудудларидан кўча юришига чиққан юзлаб деҳқон бугун мамлакат пойтахтига етиб келди.

“Озодлик карвони” деб номланган деҳқонлар юриши 22 январ куни мамлакатни 23 йил бошқарган собиқ президент Зайн ал-Обидин Бин Алига қарши намойишга чиққан ва илк қурбонларни берган Манзил Бузайян шаҳридан бошланди.

Деҳқонлар “бу ҳукуматга барҳам бериш учун келдик” мазмунидаги шиорлар билан 23 январ куни пойтахт маркази бўйлаб кўча юриши ўтказдилар.