Покистонда журналистлар қора рўйхати бор

Покистон ички ишлар вазири Раҳмон Малик Карачи шаҳрида ишлайдиган ва ҳаёти ҳамда саломатлигига таҳдид мавжуд журналистлар рўйхати борлигини тасдиқлади.

Бундай рўйхат борлиги тўғрисида миш-мишлар пайдо бўлганига анча бўлган эди. Ўтган йили Покистонда 16 журналист ўлдирилди, йил бошидан бери эса, 2 журналист нобуд бўлди.

Покистон ички ишлар вазирига кўра, яқинда таниқли журналист Вали Хон Бобарни ўлдирганликда гумон қилиниб бир неча шахс қўлга олинган.