Қандаҳор ҳокими муовуни суиқасд қурбони бўлди

Афғонистон жанубида жойлашган Қандаҳор вилояти ҳокими муовуни 29 январ куни мотоцикл минган худкуш шахс ўзини портлатгани оқибатида нобуд бўлди.

НАТО расмийлари ва Қандаҳор вилоят ҳокимияти матбуот котиби Залмай Аюбий айтганига асосланиб Ройтерс ахборот агентлигининг хабар қилишича, Қандаҳор вилояти ҳокими муовуни Абдул Латиф Ашна вилоят маркази Қандаҳор шаҳрида амалга оширилган худкуш ҳужум оқибатида ўлган.