Москвада ДПНИ фаолияти вақтинча тўхтатилди

Москва шаҳар прокуратураси маҳаллий миллатчиларнинг "Нолегал иммиграцияга қарши ҳаракат" ("Движение против нелегальной иммиграции" -ДПНИ) фаолиятини вақтинча тўхатиш тўғрисида қарор чиқарди.

Кеча ҳаракат раиси Владимир Ермолаевга шаҳар прокурорининг ДПНИ экстремистик ташкилот, деб тан олингани тўғрисидаги қарори топширилди.

ДПНИ фаолиятини батамом тўхатиш масаласини энди Москва шаҳар суди кўриб чиқади.

Прокуратуранинг қарори ҳаракат раҳбарияти фикрича, мамлакат бўйлаб оммавий норозиликларга сабаб бўлиши мумкин.