Россия Сурия олдидаги мажбуриятини бажаради

Россия Сурияга кемаларга қарши ишлатиладиган замонавий ракеталар етказиб бериш борасида имзоланган шартнома амалга тадбиқ этилишини билдирди.

Россия Мудофаа вазири Анатолий Сердюков “келишув бажарилиш босқичида экани”ни айтди.

2007 йилда Россия Сурияга “Яхонт” русумидаги қанотли ракеталар сотиш ҳақида шартнома имзолаган, аммо шу пайтгача ракеталар Сурияга етказиб берилмаган.

Исроил ва АҚШ бу шартномани қоралаганидан сўнг келишув бекор қилиниши мумкинлиги тўғрисида миш-мишлар тарқалган эди.