Далай Лама қувғиндаги Тибет ҳукуматига раҳбарликдан воз кечмоқчи

Далай Лама Тибетнинг қувғиндаги ҳукуматига бошчилик қилишдан воз кечиш ниятида эканини билдирди.

Ҳиндистон шимолидаги Дхармсала шаҳрида қилган баёнотида Далай Лама Тибет буддистлари маънавий етакчиси бўлиб қолажагини айтди.

Дхармсалада жойлашган Тибетнинг қувғиндаги ҳукумати келаси ҳафта сиёсий раҳбариятдаги ўзгаришларни муҳокама этади.

Далай Лама Тибет 1959 йилда Хитой тарафидан ишғол этилганидан сўнг Ҳиндистон шимолига қочиб ўтган эди.