iPhone 5 аввалгисига қараганда юпқа ва енгил

Apple ширкати вице-президенти Фил Шиллер Сан-Франциско шаҳридаги тақдимот маросимида янги телефонни шундай таърифлади.

Шиллерга кўра, янги iPhone батареяси ҳам узоқроққа чидайди. Лекин, умумиятла у аввалгисидан катта фарқ қилмайди.

Янги iPhone 21 сентябрдан Британия, Австралия, Канада, Франция, Германия, Гонконг, Япония ва Сингапурда дўконларга чиқарилиши кутиляпти.

АҚШда мижозлар iPhone 5 телефонини икки йиллик контракт билан 199 АҚШ долларига сотиб олишлари мумкин.