Хитойда 9 одам парранда грипидан нобуд бўлган

Хитойда шу ой бошидан буён тўққиз одам парранда грипидан оламдан ўтган. Хитойнинг расмий “Синхуа” агентлиги бу ҳақда хабар қилди.

H7N9 вирусини юқтирганлар сони эса Хитойда 28 кишидан ошган. Касаллик билан боғлиқ барча холатлар Хитой шарқида қайд этилган.

Парранда грипи 2003 йилдан бери Осиёдаги кўплаб парранда ва қушларда аниқланган ва шу пайтгача бу касаллик дунёда юзлаб инсоннинг ҳаётига нуқта қўйди.