Ўзбекистонда NIVEA брендини суистеъмол қилган ширкат жазоланди

Германиядаги “Beiersdorf AG” ширкатининг машхур NIVEA брендидан ноқонуний фойдаланган Тошкентдаги “UzGerSov” ширкати жазоланди.

Тошкент хўжалик суди NIVEAU номли совун ишлаб чиқарган “UzGerSov” ширкатига 2 миллион 700 минг сўмлик жарима солди.

Шунингдек, маҳкама ширкатга бу ном билан совун чиқаришни тақиқлаб қўйди, 30 кун ичида барча маҳсулотлардан NIVEAU номини олиб ташлашни тайинлади.