Линклар

Prezident Imomali Rahmon aksariyati musulmon bo‘lgan tojikistonliklarni hijob kiymaslik va soqol o‘stirmaslikka da’vat qildi.

11 iyul kungi chiqishida Rahmon hijob va ayollar kiyadigan qora liboslarning tojik milliy an’analariga mos kelmasligini¸ uzun soqollarning esa¸ dindorlik bilan ko‘p ham aloqasi yo‘qligini ta’kidladi.

Tojikistonliklarni “Ollohni qalb bilan sevish”ga chaqirgan Rahmon¸ musulmonlarga taqvodorlikni tashqi unsurlar bilan namoyish qilishni to‘xtatishni tavsiya qildi.

Shuningdek¸ tojikistonliklarni o‘z tarixiy an’analariga sodiq qolishga chaqirgan prezident¸ ularni¸ ayniqsa¸ yoshlarni internet orqali bo‘layotgan yot madaniyat va an’analar targ‘ibotiga uchmaslikka ham da’vat qildi.

8¸5 millionlik Tojikistonda qizlarning o‘quv maskanlariga ro‘mol o‘rashi¸ o‘quvchilarning masjidga borishi taqiqlangan. Dushanbe hukumati Iroq va Suriyadagi qurolli guruhlarga qo‘shilish ehtimoli oldini olish maqsadida Dushanbe hukumati o‘tgan oylar davomida xorij madrasalarida o‘qiyotgan minglab tojikistonlik talabani majburan vataniga qaytardi.

XS
SM
MD
LG