Линклар

Шошилинч хабар
13 декабр 2019, Тошкент вақти: 18:15

"Yoniq chiroqlar“ qaroriga muhim o‘zgartish kiritildi


Kunduzi chiroq yoqib yurish tartibi ijtimoiy tarmoqlarda qizg‘in muhokama qilindi.

O‘zbekiston Hukumati 4 iyunda qabul qilgan qarorga muvofiq “faralar” bo‘yicha qat’iy talab haydovchilarga emas, ishlab chiqaruvchilarga qo‘yiladi.

Ya’ni, qarorga ko‘ra, 2021 yil 1 yanvarga qadar kunduzi chiroqlarni yoqib harakatlanish shartligi to‘g‘risidagi talab faqatgina avtomatik yonib turuvchi kunduzgi chiroqlari bor mashinalarga nisbatan tatbiq etiladi.

Bu haqda Adliya vazirligi xabar qildi.

Shuningdek, 2020 yil 1 yanvardan boshlab ichki bozor uchun ishlab chiqarilayotgan avtomobillarga sutkaning yorug‘ vaqtida avtomatik yonadigan chiroqlar o‘rnatish majburiy etib belgilanadi. Import avtomobillarning ham shunday avtomatik yonadigan chiroqlari bo‘lmasa, mamlakat ichkarisiga olib kirilishiga ruxsat berilmaydi.

Bundan tashqari, Hukumat topshirig‘iga asosan Ma’muriy javobgarlik to‘g‘risidagi kodeksga ham tashqi yoritish asboblaridan foydalanish qoidalarini buzganlik uchun jarima miqdorini (hozirda 101 ming 365 so‘m) kamaytirishga oid tegishli Qonun loyihasi ishlab chiqiladi.

Hukumatning 9 apreldagi qarori bilan barcha transport vositalariga chiroqlarni kunduzi yoqib yurish bo‘yicha talab qo‘yilgan edi. Qaror ijrosi haydovchilarning ko‘plab noroziliklarini keltirib chiqardi, masala ijtimoiy tarmoqlarda qizg‘in muhokama qilindi.

"Tartib joriy etilgandan so‘ng o‘tgan davr davomida Ichki ishlar vazirligi tomonidan Adliya vazirligi bilan hamkorlikda ushbu tartib tahlil qilindi hamda tegishli loyiha may oyining boshida Hukumatga kiritilgan", deyiladi Adliya vazirligi xabarida.

XS
SM
MD
LG