тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Toshkent viloyatining Yangiyo‘l tumanida er o‘z xotinini pichoqlab o‘ldirdi. Hodisa Yangiyo‘lning Sherdor to‘yxonasiga yaqin mahalladagi xonadonlardan birida, 21 avgust kuni sodir bo‘ldi. Voqea guvohlarining Ozodlikka aytishicha, 35 yoshli fermer jahl ustida xotinini bo‘g‘izlagan, bir nechta pichoq zarbidan ayol shu yerni o‘zida jon bergan.
Тошкент вилоятининг Янгийўл туманида эр ўз хотинини пичоқлаб ўлдирди. Ҳодиса Янгийўлнинг Шердор тўйхонасига яқин маҳалладаги хонадонлардан бирида, 21 август куни содир бўлди. Воқеа гувоҳларининг Озодликка айтишича, 35 ёшли фермер жаҳл устида хотинини бўғизлаган, бир нечта пичоқ зарбидан аёл шу ерни ўзида жон берган.
Jizzaxlik Mahtuma Jo‘raeva uch yil avval “Aramais Avakyan ishi” nomi bilan jamoatchilik e’tiboriga tushgan ish bo‘yicha ayblanib qamalgan, hozirda “Jasliq” qamoqxonasida jazo muddatini o‘tayotgan o‘g‘li Furqat Jo‘raevni qamoqda qiynoqqa solishganini aytdi. Jo‘raeva iddaosicha, o‘g‘lining qiynoqqa solinishiga “Jasliq”dagi haqsizliklar haqida prezident Shavkat Mirziyoev va xalqaro tashkilotlarga tinimsiz arz qilishi sabab bo‘lgan.
Жиззахлик Маҳтума Жўраева уч йил аввал “Арамаис Авакян иши” номи билан жамоатчилик эътиборига тушган иш бўйича айбланиб қамалган, ҳозирда “Жаслиқ” қамоқхонасида жазо муддатини ўтаётган ўғли Фурқат Жўраевни қамоқда қийноққа солишганини айтди. Жўраева иддаосича, ўғлининг қийноққа солинишига “Жаслиқ”даги ҳақсизликлар ҳақида президент Шавкат Мирзиёев ва халқаро ташкилотларга тинимсиз арз қилиши сабаб бўлган.
Surxondaryo viloyatining Angor tumanida 18 avgust kuni yosh bolalik ayollar mahalla raislari va tuman hokimining farzand uchun beriladigan yordam puli qirqilishi haqidagi tahdilari bilan hasharga olib chiqilgan. Ozodlik bilan suhbatda bo‘lgan angorlik ayollar har oyda oladigan 350 ming so‘mlik yordam pulidan ayrilib qolmaslik uchun kun issig‘ida bolalarini olib, ko‘cha tozalashga chiqishga majbur bo‘lganliklarini aytishdi.
Сурхондарё вилоятининг Ангор туманида 18 август куни ёш болалик аёллар маҳалла раислари ва туман ҳокимининг фарзанд учун бериладиган ёрдам пули қирқилиши ҳақидаги таҳдилари билан ҳашарга олиб чиқилган. Озодлик билан суҳбатда бўлган ангорлик аёллар ҳар ойда оладиган 350 минг сўмлик ёрдам пулидан айрилиб қолмаслик учун кун иссиғида болаларини олиб, кўча тозалашга чиқишга мажбур бўлганликларини айтишди.
O‘zbekiston chegarachilari Farg‘ona viloyatining Vodil tumaniga qarashli Shohimardon anklavidan 5 kilometr janubdagi Qirg‘iziston hududida joylashgan Ko‘li Qubbon dam olish maskaniga o‘tmoqchi bo‘lgan o‘zbek vatandoshlaridan “Farg‘ona vodiy sayyoh” shirkatining 5 ming so‘m turadigan yo‘lanmasini olishni talab qilayotgani mahalliy aholi va ziyoratchilar noroziligiga sabab bo‘lmoqda. Ozodlik bilan suhbatda bo‘lgan o‘zbekistonliklar bu yerda “manfaatlar to‘qnashuvi” bo‘lishi ehtimoliga e’tibor qaratdi.
Ўзбекистон чегарачилари Фарғона вилоятининг Водил туманига қарашли Шоҳимардон анклавидан 5 километр жанубдаги Қирғизистон ҳудудида жойлашган Кўли Қуббон дам олиш масканига ўтмоқчи бўлган ўзбек ватандошларидан “Фарғона водий сайёҳ” ширкатининг 5 минг сўм турадиган йўланмасини олишни талаб қилаётгани маҳаллий аҳоли ва зиёратчилар норозилигига сабаб бўлмоқда. Озодлик билан суҳбатда бўлган ўзбекистонликлар бу ерда “манфаатлар тўқнашуви” бўлиши эҳтимолига эътибор қаратди.
Toshkent shahar IIB xodimlari kurashchi Jamshid Kenjaev o‘limi ortidan poytaxt tungi klublariga reydlar o‘tkazmoqda. So‘nggi besh kun ichida Toshkentdagi klublarda o‘tkazilgan ayrim reydlarda klub xodimlari va mijozlari reydchilar tarafidan kaltaklangan.
O‘zbekiston bosh prokuraturasi matbuot xizmati pora olganlikda gumonlanib o‘tgan oy hibsga olingan o‘zbekistonlik sobiq militsiya zobitining qiynoqqa solingani haqida uning oila-a’zolari iddaolarini rad etdi.
Тошкент шаҳар ИИБ ходимлари курашчи Жамшид Кенжаев ўлими ортидан пойтахт тунги клубларига рейдлар ўтказмоқда. Сўнгги беш кун ичида Тошкентдаги клубларда ўтказилган айрим рейдларда клуб ходимлари ва мижозлари рейдчилар тарафидан калтакланган.
Ўзбекистон бош прокуратураси матбуот хизмати пора олганликда гумонланиб ўтган ой ҳибсга олинган ўзбекистонлик собиқ милиция зобитининг қийноққа солингани ҳақида унинг оила-аъзолари иддаоларини рад этди.
Namangan shahridagi Chorsu dehqon bozorida yillardan beri savdo qilib kelgan tadbirkorlar do‘konlari 21 iyuldan shahar hokimligi tomonidan hech qanday ogohlantirishsiz yopib qo‘yilishi ortidan g‘alayon ko‘tardi. Yuzga yaqin tijoratchi bilan Naamangan shahar hokimligi mas’ullari do‘konlarning yopilishi borasida muloqot qilishga uringan, biroq savdogarlarning do‘konlarni qayta ochish talabi qondirilmagach, vaziyat taranglashgan.
Наманган шаҳридаги Чорсу деҳқон бозорида йиллардан бери савдо қилиб келган тадбиркорлар дўконлари 21 июлдан шаҳар ҳокимлиги томонидан ҳеч қандай огоҳлантиришсиз ёпиб қўйилиши ортидан ғалаён кўтарди. Юзга яқин тижоратчи билан Нааманган шаҳар ҳокимлиги масъуллари дўконларнинг ёпилиши борасида мулоқот қилишга уринган, бироқ савдогарларнинг дўконларни қайта очиш талаби қондирилмагач, вазият таранглашган.
O‘zbekistonga sayyohlik vizalarini olish soddalashtirilgani haqidagi xabarlardan ilxomlanib Toshkentga otlangan asli o‘zbekistonlik o‘nlab chet el fuqarosiga sayyohlik vizasi rad etilgan. Ozodlikka bu haqda shikoyat qilganlarning aksari muhojirlikda yashab chet el fuqroligini olgan va Islom Karimovning 2014 yilda chiqqan farmoni bilan o‘zbek fuqaroligidan maxrum etilgan muxolifatchilar,huquq himoyasilari, jurnalistlar hamda ularning qarindoshlaridir.
Ўзбекистонга сайёҳлик визаларини олиш соддалаштирилгани ҳақидаги хабарлардан илхомланиб Тошкентга отланган асли ўзбекистонлик ўнлаб чет эл фуқаросига сайёҳлик визаси рад этилган. Озодликка бу ҳақда шикоят қилганларнинг аксари муҳожирликда яшаб чет эл фуқролигини олган ва Ислом Каримовнинг 2014 йилда чиққан фармони билан ўзбек фуқаролигидан махрум этилган мухолифатчилар,ҳуқуқ ҳимоясилари, журналистлар ҳамда уларнинг қариндошларидир.
Давомини ўқинг
