тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Toshkent shahridan OzodMikrofon ga qo‘ng‘iroq qilgan Rumilya Xalikova 1992 yilda Qozog‘istondan poytaxtga kelin bo‘lib tushgani, lekin oradan shuncha yil o‘tsa ham O‘zbekiston fuqaroligini ololmayotganidan shikoyat qildi.
O‘zbekiston Din ishlari bo‘yicha qo‘mita raisi o‘rinbosarining Milliy matbuot markazida o‘tkazilgan yig‘ilishda ayollar ro‘moli haqidagi savollarga javobi ijtimoiy tarmoqlarda bahsu-munozaralarga sabab bo‘ldi. Ijtimoiy tarmoq foydalanuvchilari mulozimning “ro‘mol – diniy libos emas” degan gapini xushxabar sifatida qabul qilib, o‘z xursandchiligini izhor etmoqdalar. Ammo, Ozodlik suhbatlashgan O‘zbekiston musulmonlari idorasi vakili, bu yig‘ilishda hijob haqida emas, o‘zbek ayollari o‘rab yuradigan oddiy ro‘mol haqida gap borganini aytmoqda.
Тошкент шаҳридан OzodMikrofon га қўнғироқ қилган Румиля Халикова 1992 йилда Қозоғистондан пойтахтга келин бўлиб тушгани, лекин орадан шунча йил ўтса ҳам Ўзбекистон фуқаролигини ололмаётганидан шикоят қилди.
Ўзбекистон Дин ишлари бўйича қўмита раиси ўринбосарининг Миллий матбуот марказида ўтказилган йиғилишда аёллар рўмоли ҳақидаги саволларга жавоби ижтимоий тармоқларда баҳсу-мунозараларга сабаб бўлди. Ижтимоий тармоқ фойдаланувчилари мулозимнинг “рўмол – диний либос эмас” деган гапини хушхабар сифатида қабул қилиб, ўз хурсандчилигини изҳор этмоқдалар. Аммо, Озодлик суҳбатлашган Ўзбекистон мусулмонлари идораси вакили, бу йиғилишда ҳижоб ҳақида эмас, ўзбек аёллари ўраб юрадиган оддий рўмол ҳақида гап борганини айтмоқда.
OzodMikrofonga qo‘ng‘iroq qilgan qo‘qonlik tadbirkor Avazbek Hojimatovning arz qilishicha, dehqon bozori ichidagi do‘koni bundan o‘n yil oldin qayta shunday do‘kon qurib berish yoki tovon puli berish va’dasi bilan hokim tomonidan buzdirilgan. Ammo, tadbirkorning iddao qilishicha, shu paytgacha do‘kon o‘rniga do‘kon ham, tovon puli ham berilmagan.
Samarqand tumanidagi 10-umumta’lim maktabining 9-sinf o‘quvchisi 11 avgust kuni o‘z joniga qasd qildi. Bu suiqasddan to‘rt kun avval ayni tumanning Qo‘ziqo‘rg‘on qishlog‘ida yashagan 22 yashar yigit ham o‘zini osib o‘ldirdi. Ozodlik gaplashgan mahalliy rasmiylar o‘rtahol oilalar farzandi bo‘lgan bu yigitlarning o‘z joniga qasd qilishi sababi mavhumligicha qolayotganini bildirdi.
OzodMikrofonга қўнғироқ қилган қўқонлик тадбиркор Авазбек Ҳожиматовнинг арз қилишича, деҳқон бозори ичидаги дўкони бундан ўн йил олдин қайта шундай дўкон қуриб бериш ёки товон пули бериш ваъдаси билан ҳоким томонидан буздирилган. Аммо, тадбиркорнинг иддао қилишича, шу пайтгача дўкон ўрнига дўкон ҳам, товон пули ҳам берилмаган.
Самарқанд туманидаги 10-умумтаълим мактабининг 9-синф ўқувчиси 11 август куни ўз жонига қасд қилди. Бу суиқасддан тўрт кун аввал айни туманнинг Қўзиқўрғон қишлоғида яшаган 22 яшар йигит ҳам ўзини осиб ўлдирди. Озодлик гаплашган маҳаллий расмийлар ўртаҳол оилалар фарзанди бўлган бу йигитларнинг ўз жонига қасд қилиши сабаби мавҳумлигича қолаëтганини билдирди.
Yaponiyadan Ozodmikrofonga qo‘ng‘iroq qilgan o‘zbekistonlik talaba, ularni chaqirtirib olgan odam ishga joylash uchun pul talab qilayotgani, hali tilni yaxshi o‘rganmagan talabalar kontrakt pulini to‘plash uchun qo‘shimcha ravishda mustaqil ish topa olmayotganidan shikoyat qildi. Talabaning aytishicha, ularning ojizligidan fodalanib, “o‘zimizning o‘zbeklar” ular ustida pul ishlab olmoqchi.
Япониядан Озодмикрофонга қўнғироқ қилган ўзбекистонлик талаба, уларни чақиртириб олган одам ишга жойлаш учун пул талаб қилаётгани, ҳали тилни яхши ўрганмаган талабалар контракт пулини тўплаш учун қўшимча равишда мустақил иш топа олмаётганидан шикоят қилди. Талабанинг айтишича, уларнинг ожизлигидан фодаланиб, “ўзимизнинг ўзбеклар” улар устида пул ишлаб олмоқчи.
Buxoro viloyati maktab o‘qituvchilari bu yilgi paxta terimida qatnashish uchun tilxat yozib berishga majburlanyapti. Bu haqda Ozodlikka xabar bergan o‘qituvchilarning aytishlaricha, barcha maktablar o‘qituvchilari “bu yilgi paxta hosilini nest-nobud qilmay” terib berishga kafolati yozilgan tilxatni terim uchun tashkil qilingan otryadlarning boshliqlariga beryapti. Rasmiylar esa bu yil o‘qituvchilar paxta terimiga chiqarilmasligini aytmoqda.
Бухоро вилояти мактаб ўқитувчилари бу йилги пахта теримида қатнашиш учун тилхат ёзиб беришга мажбурланяпти. Бу ҳақда Озодликка хабар берган ўқитувчиларнинг айтишларича, барча мактаблар ўқитувчилари “бу йилги пахта ҳосилини нест-нобуд қилмай” териб беришга кафолати ёзилган тилхатни терим учун ташкил қилинган отрядларнинг бошлиқларига беряпти. Расмийлар эса бу йил ўқитувчилар пахта теримига чиқарилмаслигини айтмоқда.
Andijon shahri Birinchi tor Pillakash ko‘chasining 26-uyida istiqomat qiladigan 45 yashar beva ayol Zumradxon Ismoilxo‘jaevaning OzodMikrofon ga arz qilishicha, besh yil burun yashab turgan uyi yonib ketganidan so‘ng, uch farzandi bilan chakka o‘tib turadigan ayvonda yashashga majbur bo‘lmoqda.
Andijon shahar hokimi Dilmurod Rahmatullaev 10 avgust kuni maktab va bog‘chalar o‘qituvchi va tarbiyachilarini Bolalar shaharchasi hududini tozalashga majburiy tarzda chiqartirdi. Ana shu majburiy “hashar”da qatnashgan guvohlarning aytishicha, o‘z xodimini ko‘cha supurishga chiqarmagan rahbarlarga ishdan haydash bilan tahdid qilingan. Shahar xalq ta’limi bo‘limi mudiri bugungi hashardan xabari yo‘qligini bildirdi.
Андижон шаҳри Биринчи тор Пиллакаш кўчасининг 26-уйида истиқомат қиладиган 45 яшар бева аёл Зумрадхон Исмоилхўжаеванинг OzodMikrofon га арз қилишича, беш йил бурун яшаб турган уйи ёниб кетганидан сўнг, уч фарзанди билан чакка ўтиб турадиган айвонда яшашга мажбур бўлмоқда.
Андижон шаҳар ҳокими Дилмурод Раҳматуллаев 10 август куни мактаб ва боғчалар ўқитувчи ва тарбиячиларини Болалар шаҳарчаси ҳудудини тозалашга мажбурий тарзда чиқартирди. Ана шу мажбурий “ҳашар”да қатнашган гувоҳларнинг айтишича, ўз ходимини кўча супуришга чиқармаган раҳбарларга ишдан ҳайдаш билан таҳдид қилинган. Шаҳар халқ таълими бўлими мудири бугунги ҳашардан хабари йўқлигини билдирди.
Toshkentlik 25 yashar homilador ayol 7 avgust kuni kechqurun Yunusobod tumanidagi Xotira maydonida sayr qilib yurganida uni ichki ishlar xodimlari fohishalikda gumonlab, mashinaga tiqib ichki ishlar bo‘limiga olib ketganini iddao qildi. Nazokat To‘laganovaning aytishicha, unga qo‘shib, 15 yashar jiyani ham kaltaklangan va militsiya bo‘limiga olib borilgan.
Тошкентлик 25 яшар ҳомиладор аёл 7 август куни кечқурун Юнусобод туманидаги Хотира майдонида сайр қилиб юрганида уни ички ишлар ходимлари фоҳишаликда гумонлаб, машинага тиқиб ички ишлар бўлимига олиб кетганини иддао қилди. Назокат Тўлаганованинг айтишича, унга қўшиб, 15 яшар жияни ҳам калтакланган ва милиция бўлимига олиб борилган.
Andijon viloyatidagi banklarda xorijdan yuborilgan pul jo‘natmalarini olish qiyinlashdi. Banklar oldidagi yuzlab odamlar navbatini ko‘rgan guvohlarning aytishicha, pulni olish uchun 8-10 soatdan navbatda turishga to‘g‘ri kelyapti. Bank rasmiylari, yuzaga kelgan holatni tasdiqlar ekan, buning sababi Toshkentdan valyutaning kam berilayotgani va pul jo‘natmalari soni ko‘payib ketganligi bilan bog‘liqligini aytdi.
Андижон вилоятидаги банкларда хориждан юборилган пул жўнатмаларини олиш қийинлашди. Банклар олдидаги юзлаб одамлар навбатини кўрган гувоҳларнинг айтишича, пулни олиш учун 8-10 соатдан навбатда туришга тўғри келяпти. Банк расмийлари, юзага келган ҳолатни тасдиқлар экан, бунинг сабаби Тошкентдан валютанинг кам берилаётгани ва пул жўнатмалари сони кўпайиб кетганлиги билан боғлиқлигини айтди.
Давомини ўқинг
