тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
O‘zbekiston prezidenti Shavkat Mirziyoev Ichki Ishlar vazirligi bilan Xorazm hokimligiga bir oy muddatda “Xavfsiz hudud” konsepsiyasini ishlab chiqishni topshirdi. Bu konsepsiyaga ko‘ra, ichki ishlar xodimlarining asosiy qismi posyolka va qishloq aholi punktlari yaqinida faoliyat yuritishi va jinoyatchilikning oldini olish zarur. Prezident, shuningdek, mahallasida jinoyat sodir bo‘lmagan inspektorga oyligining 30 foizi qo‘shib berilishi, aks natijada esa oylikning 30 foizi kesib tashlanishi taklifini kiritdi.
Ўзбекистон президенти Шавкат Мирзиёев Ички Ишлар вазирлиги билан Хоразм ҳокимлигига бир ой муддатда “Хавфсиз ҳудуд” концепциясини ишлаб чиқишни топширди. Бу концепцияга кўра, ички ишлар ходимларининг асосий қисми посёлка ва қишлоқ аҳоли пунктлари яқинида фаолият юритиши ва жиноятчиликнинг олдини олиш зарур. Президент, шунингдек, маҳалласида жиноят содир бўлмаган инспекторга ойлигининг 30 фоизи қўшиб берилиши, акс натижада эса ойликнинг 30 фоизи кесиб ташланиши таклифини киритди.
Farg‘ona viloyatining Yozyovon tumanidagi 18-umumta’lim maktabining qorovuli Abdurahim Xudoyqulov paxta dalasida jon berdi. Xudoyqulov o‘limining sabablarini rasmiylardan surishtirgan mahalladoshlarning aytishlaricha, go‘yoki u qon bosimi tushib ketib, vafot etgan. So‘nggi ikki haftada Farg‘ona viloyatidan qariyb 17 ming nafar hasharchi ixtiyoriy-majburiy tarzda vagonlarda Sirdaryo va Qoraqalpog‘istonga paxta terimiga olib ketilgan edi.
Andijondagi 2005 yil 13 maydagi qonli voqealardan so‘ng O‘zbekistonni tark etib, o‘n ikki yil AQShda yashagan 76 yashar Najmiddin Umarov o‘tgan haftada vataniga qaytdi. Najmiddin Umarov Andijonga kelganidan so‘ng to‘rt kun mobaynida viloyat ichki ishlar boshqarmasida ushlab turilgani va uyiga qo‘yib yuborilgani aytiladi. Lekin, Umarovning yaqinlariga ko‘ra, u aeroportda uch soat ushlab turilganidan so‘ng qo‘yib yuborilgan.
Фарғона вилоятининг Ёзёвон туманидаги 18-умумтаълим мактабининг қоровули Абдураҳим Худойқулов пахта даласида жон берди. Худойқулов ўлимининг сабабларини расмийлардан суриштирган маҳалладошларнинг айтишларича, гўёки у қон босими тушиб кетиб, вафот этган. Сўнгги икки ҳафтада Фарғона вилоятидан қарийб 17 минг нафар ҳашарчи ихтиёрий-мажбурий тарзда вагонларда Сирдарё ва Қорақалпоғистонга пахта теримига олиб кетилган эди.
Андижондаги 2005 йил 13 майдаги қонли воқеалардан сўнг Ўзбекистонни тарк этиб, ўн икки йил АҚШда яшаган 76 яшар Нажмиддин Умаров ўтган ҳафтада ватанига қайтди. Нажмиддин Умаров Андижонга келганидан сўнг тўрт кун мобайнида вилоят ички ишлар бошқармасида ушлаб турилгани ва уйига қўйиб юборилгани айтилади. Лекин, Умаровнинг яқинларига кўра, у аэропортда уч соат ушлаб турилганидан сўнг қўйиб юборилган.
Qoraqalpog‘istonning Taxiatosh tumanida 4-sinf o‘quvchisi ustiga devor qulashi oqibatida nobud bo‘ldi. Voqea tafsilotlaridan xabardor taxiatoshliklarning Ozodlikka aytishicha¸ maktab o‘qituvchisi o‘rniga paxtaga yollangan bolaning onasi fojia paytida dalada bo‘lgan.Tuman Xalq ta’limi bo‘limi rahbari o‘qituvchilarga o‘z o‘rniga odam yollab paxtaga yuborish majburiyati qo‘yilganini inkor qilishga urindi.
Toshkent viloyatining Zangiota tumanidan qo‘ng‘iroq qilgan Dilnoza Zokirbekovaning OzodMikrofonga arz qilishicha, Toshkent ichki ishlar boshqarmasida narkotik moddalarning g‘ayriqonuniy savdosiga qarshi kurash bo‘limida mayor vazifasida ishlagan eri Sanjarbek Zokirbekov MXX xodimlari tomonidan hibsga olinganini va tergov davomida unga nisbatan qiynoqlar qo‘llanilganini iddao qiladi.
Тошкент вилоятининг Зангиота туманидан қўнғироқ қилган Дилноза Зокирбекованинг OzodMikrofonга арз қилишича, Тошкент ички ишлар бошқармасида наркотик моддаларнинг ғайриқонуний савдосига қарши кураш бўлимида майор вазифасида ишлаган эри Санжарбек Зокирбеков МХХ ходимлари томонидан ҳибсга олинганини ва тергов давомида унга нисбатан қийноқлар қўлланилганини иддао қилади.
Қорақалпоғистоннинг Тахиатош туманида 4-синф ўқувчиси устига девор қулаши оқибатида нобуд бўлди. Воқеа тафсилотларидан хабардор тахиатошликларнинг Озодликка айтишича¸ мактаб ўқитувчиси ўрнига пахтага ёлланган боланинг онаси фожиа пайтида далада бўлган.Туман Халқ таълими бўлими раҳбари ўқитувчиларга ўз ўрнига одам ёллаб пахтага юбориш мажбурияти қўйилганини инкор қилишга уринди.
Farg‘ona, Namangan va Surxondaryo viloyatlaridan mamlakatning shimoliy va g‘arbiy viloyatlariga 30 ming nafardan ortiq odam paxta terimiga maxsus poezdlarda safarbar etildi. Korxona va tashkilotlar xodimlaridan, mahallalar aholisidan tashkil topgan maxsus otryadlar Xorazm, Jizzax viloyatlari va Qoraqalpog‘istonda paxta termoqda. Kuzatuvchilarning aytishlaricha, maxsus poezdlarda paxta terimiga odam jo‘natish, hatto Islom Karimov davrida ham kuzatilmagan edi.
Фарғона, Наманган ва Сурхондарё вилоятларидан мамлакатнинг шимолий ва ғарбий вилоятларига 30 минг нафардан ортиқ одам пахта теримига махсус поездларда сафарбар этилди. Корхона ва ташкилотлар ходимларидан, маҳаллалар аҳолисидан ташкил топган махсус отрядлар Хоразм, Жиззах вилоятлари ва Қорақалпоғистонда пахта термоқда. Кузатувчиларнинг айтишларича, махсус поездларда пахта теримига одам жўнатиш, ҳатто Ислом Каримов даврида ҳам кузатилмаган эди.
Toshkent shahrining Yunusobod tumanidan OzodMikrofonga qo‘ng‘iroq qilgan 67 yashar yolg‘iz pensioner Shuhrat Maqsudovning shikoyat qilishicha, narx-navolarning ortishi ortidan faqat pensiyaga kun ko‘radigan qariyalar qiynalib qolgan.
Тошкент шаҳрининг Юнусобод туманидан OzodMikrofonга қўнғироқ қилган 67 яшар ёлғиз пенсионер Шуҳрат Мақсудовнинг шикоят қилишича, нарх-наволарнинг ортиши ортидан фақат пенсияга кун кўрадиган қариялар қийналиб қолган.
Andijon shahridagi eng katta ulgurji bozorlardan biri bo‘lgan Jahon bozori, paxta terimi mavsumi sabab, yopildi. Ozodlik mobil muxbirlarining xabarlariga ko‘ra, bir qator tuman bozorlari ham yopilgan, hozircha ishlab turganlarini ham yopish to‘g‘risida hokim topshiriq bergan. Andijonliklar paxta terimi kampaniyasi davrida hech qachon bunday qattiq cheklovlar ko‘rmaganini aytishmoqda.
Андижон шаҳридаги энг катта улгуржи бозорлардан бири бўлган Жаҳон бозори, пахта терими мавсуми сабаб, ёпилди. Озодлик мобил мухбирларининг хабарларига кўра, бир қатор туман бозорлари ҳам ёпилган, ҳозирча ишлаб турганларини ҳам ёпиш тўғрисида ҳоким топшириқ берган. Андижонликлар пахта терими кампанияси даврида ҳеч қачон бундай қаттиқ чекловлар кўрмаганини айтишмоқда.
Andijon shahridan qo‘ng‘iroq qilgan tadbirkor, 56 yashar Saodatxon Boyboevaning OzodMikrofonga arz qilishicha, viloyat hokimi va Asakabankning Andijondagi Farhod filiali boshlig‘i 2013 yilda uning eski bozordagi do‘koni buzilishi evaziga, shu binoni garovga qo‘yib olgan 22 million so‘mlik kreditidan voz kechishi haqida lafz qilgan.
Samarqand viloyati hokimi Turobjon Jo‘raev barcha davlat va xususiy tashkilotlar xodimlarini yotog‘i bilan ommaviy paxta terimiga safarbar qildi. Hokim selektor majlisida bu haqda gapirar ekan, hatto ish o‘rnini qoldirishi mumkin bo‘lmagan tashkilotlar xodimlariga o‘z o‘rniga odam yollab chiqarishni buyurdi. Bunday holat prezident Shavkat Mirziyoevning O‘zbekistonda majburiy mehnatga barham berildi, deb BMT minbaridan turib aytgan gaplaridan so‘ng sodir bo‘lmoqda.
Андижон шаҳридан қўнғироқ қилган тадбиркор, 56 яшар Саодатхон Бойбоеванинг OzodMikrofonга арз қилишича, вилоят ҳокими ва Асакабанкнинг Андижондаги Фарҳод филиали бошлиғи 2013 йилда унинг эски бозордаги дўкони бузилиши эвазига, шу бинони гаровга қўйиб олган 22 миллион сўмлик кредитидан воз кечиши ҳақида лафз қилган.
Самарқанд вилояти ҳокими Туробжон Жўраев барча давлат ва хусусий ташкилотлар ходимларини ётоғи билан оммавий пахта теримига сафарбар қилди. Ҳоким селектор мажлисида бу ҳақда гапирар экан, ҳатто иш ўрнини қолдириши мумкин бўлмаган ташкилотлар ходимларига ўз ўрнига одам ёллаб чиқаришни буюрди. Бундай ҳолат президент Шавкат Мирзиёевнинг Ўзбекистонда мажбурий меҳнатга барҳам берилди, деб БМТ минбаридан туриб айтган гапларидан сўнг содир бўлмоқда.
Давомини ўқинг
